مازال عندي أمل

مازال عندي أمل في وجه الكريم العالي ..... وكيف الجبال أنحمل وع الهم واسع بالي ..

مازال نقدر نصبر ..... وبمركبي بحر المصاعب نعبر ..... مازلت مهما أكبرت نعرف نخبر ..... درب الحياة فيما مضى والتالي ..

مازلت ما ننهز ..... ومازال في نفسي شموخ وعز ..... ولا ندير شينه في الكنين أتحز ..... ولا نضيف ناس أبخال ما تبالي ..

مازلت ثاقب نظرة ..... في دنيتي والناس عندي خبرة ..... مازلت كيف اليوم وأمس وبكرة ..... جوال نرحل كيف ما يحلا لي ..

مازلت كيف زمان ..... عاشق وهايم بالغلاء ولهان ..... حتى وأنا عايش بدون حنان ..... بعكس البشر لآني غلاء ولا غالي ..

مازلت صاح صحيح ..... ومازلت بيدي نتقي ونطيح ..... ومازال نوقف في مهب الريح ..... وما تضرني خونة أحدود أمالي ..

ومازلت ما ننهاس ..... ومازلت واثق صلب كيف الناس ..... ومازلت أنذوق وعندي إحساس ..... ولا ندير ثوبي م الرقيع البالي ..

مازال عزمي زين ..... وعندي محنة ع العرب لخرين ..... لكن اللي ماهو أمداد العين ..... ما نقربه لأجل يردى حالي ..

مازال زاهي لونه ..... ومازال عقلي ما نقص قانونه ..... كيف العسل بالسم شارب خونة ..... وتحاين أعروقه كيف قبل وتالي ..

مازال عندي أمل في وجه الكريم العالي ..... وكيف الجبال أنحمل وع الهم واسع بالي ..
تحياتي امير الظلام

مازال عزمي زين .....
وعندي محنة ع العرب لخرين .....
لكن اللي ماهو أمداد العين .....
ما نقربه لأجل يردى حالي ..

والله قصيدة صقع ..
شكـــرا امير الظلام على الاختيار الحلو ..
سلامى لك ...Lost

اشكرك شكر خاص علي التعليق علي موضيعي بطريقه فيها الكثير من الحساسيه
:)
:)
:)
تحياتي امير الظلام

اشعار و كلمات تعجز عنها يداي في الرد عليها

مشكور كول علي مرورك الرائع
تحياتي همس

مازال زاهي لونه ..... ومازال عقلي ما نقص قانونه ..... كيف العسل بالسم شارب خونة ..... وتحاين أعروقه كيف قبل وتالي ..
******** واااو واااو روعه روعه خويا همس انت مبدع ومميز واللي مثالك يسموه فنان ابدعت والله يسلمو ع الشعر الرئع
س،ـــــــــــ فروحه ــــــــــلام

تسلمي هذا من ذوقك اسعدني مرورك الجميل

تحياتي باسم

مازال نقدر نصبر ..... وبمركبي بحر المصاعب نعبر ..... مازلت مهما أكبرت نعرف نخبر ..... درب الحياة فيما مضى والتالي ..

مازلت ما ننهز ..... ومازال في نفسي شموخ وعز ..... ولا ندير شينه في الكنين أتحز ..... ولا نضيف ناس أبخال ما تبالي ..

مشكور اخي همس المشاعر علي الكلمات الحلوة
تحياتي**
قطر الندى

مازال عندي أمل في وجه الكريم العالي ..... وكيف الجبال أنحمل وع الهم واسع بالي ..

........

مشكورة كلمات فى قمة الروووع

...

تحياتى : اخوك الشلوى