ليام يخذلن فى الرجاجيل.....هن والنساء والحكايم
لايام يبرمن بالمواجيل.....وما يشطهن لوم لايم
لايام يسبقن فى المعاجيل.....على فعل خير وذمايم
لايام مره هجاجيل.....ومرات عنز حشايم
ليام مره حجاجيل.....ومرات ارامل ندايم
ومرات ياتن مخاجيل.....ومرات قبح ذمايم
لايام هزهن لجلاجيل.....شوى اشداد العزايم
اوما ايفيد فى العفن تبجيل.....لاقدار فيه كيف الشتايم
ما يدوم لو طال تتجيل.....يجلا جليت الغمايم
لايام سقيهن بالفناجيل.....سوا ابطيب والا وخايم
ايقون العظم النحيل.....اويمتا ويبنى لحايم
ايسوقن اسواقت رحيل.....خبيره مع لارض هايم
لايام واحد وحيل.....سايدات فيه الضلايم
لايام واحد بخيل.....مالشح نين تبقى فطايم
واحد شبيه النخيل.....رطبهن ولذ الطعايم
واحد يعزك ابخيل.....وفرسان كسر شهايم
اوتقدر تحامى الدخيل.....وما تهاب سوق الحمايم
اللى وين دارن هديل.....ينفر اللى كان رايم
او لايام يشعلن فى القناديل.....بعد عدم تصبح جهايم
ولايام يهذلن فى هذيل.....ابخيرهن وجل النعايم
الايام فيهم وذيل.....كيف لادمى فى ندايم
لايام ربنا قال جبريل.....بينا اقرع بالقسايم
لايام فيهن هزيل....رقيق نين كيف الرمايم
لايام فى الحط والشيل.....ما يقرطن فى القعايم
لايام واحد اصيل.....امعاك يقتسم فى الغنايم
لايام واحد فضيل.....اتجيك ضوقته وانت نايم
لايام يضحكن للزطيل.....يحساب ضحكن دوم دايم
اويبقى وراهن ايضيل.....اوما يحس لكم اللكايم
نين يوتخذ فى رعيل......مطلوب للحد والردايم
اولايام مره مشاغيل......ايجنك ابحن او حلايم
اولايام مره مقافيل.....ابوابهن الا بالقلايم
او لايام بالقال والقيل......شون حبايبي يا فهايم
مليت من الوزن والكيل.....نحسب انزاح وتجى حمايم
يا قاسم النور بالليل.....ويا عليم ما بالرحايم
ويا خالق لارض والميل.....ومزين السماء بالرجايم
يا شاهرا مصر بالنيل......وبهرام شمخ عظايم
اجعل ايامنا بدر وسهيل.....او رايقات بروع او نسايم
ويا داهين لا اتهيل.....عيبك على عبد قايم