كنك البعد ارضيت............ بعد الغلا هاضاك ماوفيت...... قول السبب
كــــنك ارضــــيت اتشــــيل......... اومن يـــالاي حركـــت الرحــيل
من فرقاك نابيدي قــــــــتيل .....العقل امعــاك ياغــالـــي خذيـــت
وغير عزيز ماعندي دلــيل ....ولسـع يوم من غـــيرا ازهــــيت
ويش الراي كي ايخيم اللــيل..... وبالـــوهـــام نابيـــدي ابليـــــت
وهو بالغير لاقــــيلي بديــل..... القيته وين من نومي اصــحيت
خذاه امعاه وارضيبا خــليل ....اتقول عليه مــسع شي اغليـــت
وتعلم وين ماتخـطر انهــيل ....ولكل النــاس ياغالي حكيـــــت
وين انجي لوسـادي انمــيل..... انـــسيل اتقول ماعنك بكـــــيت
ويقولو راه مابــعد الــــنزيل..... يصحي جو والفايـــت ايمـــــيت
غير انا بدمــــوعي انطــــيل.... وبعد انكـــــف ماعنا اصحيــــت
كــنك ارضــيت اخــــــــــلافي.... ونامعاك في قصت غلانا صافي
ياهل ترا درنا خطا وتكــافي.... والله امغير في جرت الغير جريت
واجد علي اقسيت نمشي حافي.... علي اشواك منجرت ربيع اربــيت
لافي علــيك اتقول وانا لافــي.... فول كلام الصـــــــــوب مارديت
وقيسه كلامك طال فيه السافي.... هلبته امعا درب الخلاف مــــشيت
اولافي قــسوا وانا انقول اولافي.... حضي عطيب امعاك نا ثاريت
اغليتو علي صحيح حبا صــــافي ....وترخي انتا فالصوب ماظنيت
وافي امعاك انقول يبــــــقي وافي.... وغليتوا وناراضي بما غاليت
لاكن القيـــــتك دوم لي مــــجافي.... زهيتني امعاك ايام ونضريت
كفي السو خلاص هضـــــــا كافي.... القيت الحنان انقول سو القيت
مجدافي انقول وهو كسر مجدافي.... رخاني وفي نص الغريق ابقي
كـــنك ارضــــيــــت اتــــغيــــــب.... عليــهن ومادارن امعاك العــيب
ياما شكنلك والمشــــاكي جيــــب.... وياما علي صوتك ايام غفــيت
وياما لمحتك والوصول صعيب ....وياما رسمتك غير مامتــحيت
وياما القيــتك فالخـــيال قريــــب.... وياما معاكم فالحـــلام بنــــيت
قصا عجيـــبه ونت هو العجـــيب.... ونس في زمان ابقيتلي عفريت
سريبك انتا طايل عليك سريــــب ....لانسيـــــتكم لاهنت لامليــــــت
والله ايسامحك والبس الباس حليب..... وادودش امعا غيري اللي نقيت
وحاجي شريكك في حياتك ســيب..... نيرانك اللي منهن انا جضيت
غريب عشت خليني انعيش غريب..... تــكــفا وتربح وين ماحطـــيت
