غناوي وشتاوي ع القرايا

بسم الله نبدوا..

اقرايتنا اقرايه كسادي ‏..‏ هز شناطي جاي و غادي

ريته طول العمر اقرايه .. من السبعه لي الأثنين امعايا

شاطت نار وزاد حطبها..طالب الاقتصاد سببها

نا و استاذي نظره بنظره ‏..‏ و الفصل اجعنه ما يقرى

بو سروال امحدد نصه يامحلا شرحه في الحصه

يا استاذ اللغه العربيه ‏..‏ كلمة حب اشرحها ليا ‎

ياريته طول العام قرايه .. فى المرواح انشوف غلايــــااا

يلعن بوك قرايه غبره ... جي يخطب قالوله تقرا

يا أبله كان اتحبيني ... خليه في الحصه ايجيني

ماعاد اهناك اقرايه !! العقل عندك والكتب احدايا !! ازعما كيف ننجحو

بو سبته سمحه في نصه^^^^^^^^ يا محلى شرحه في الحصه

يا مولاي شهاده و جبنا .. جيب الزول اللي عاجبنا

كل مايخطر نص الحصه @@ نكتب سطر اوننسى نصه

يا محلى شرحه في الحصه .. بو كبوط امغطي نصه

هات الدفتر والكراسه‏~‏‏~نكتبلك في الصوب دراسه

هات الدفتر و المحايا .. ابنمسح منه اسطور غلايا

قالي تقري ما تقريش .. بعد فرحي خدمه ما فيش

كله م العطله الفراقه .. ضعنا بين غلاه و اشواقه

كيف النجاح وكيف نقدر نقرا @@ بعد الغوالي جرح مابا يبرا

نحنا فى العطله ويش انديروا....... وين ايغيب علينا انحيروا

اقرايتنا اقرايه مزبوطه********* يخطم ولد اعيوني لوطه

يا عيله ليش اتقولوها .. راهي تقرا ما نعطوها

ليش اتمحي بالمحايه +++++ شرطهن ورقات غلايا

الأبله اتقري في طالبها .. زاد طربها .. مش عيب ان كان يوم خطبها

خط علي روحك ياأستادي ننجح نسقط عندي عادي


ها ايش رايكم عاااااااااد